UEFA Güleri seçdi
Avropa Futbol Assosiasiyaları İttifaqı (UEFA) “Real Madrid” klubunun yarımmüdafiəçisi Arda Güleri Çempionlar Liqasının Liqa mərhələsinin III turunda “Yuventus”la oyunun ən yaxşı futbolçusu seçib.
TodayPress TV xəbər verir ki, UEFA tərəfindən matçın ən yaxşı futbolçusu seçilən türkiyəli yarımmüdafiəçi bildirib:
“Baş məşqçimiz Xabi Alonsonun etibarı sayəsində özümü “Real Madrid”in vacib bir hissəsi kimi hiss edirəm. Məşqçi məndən tempi idarə etməyi və yaradıcı olmağımı xahiş edir. Bu matçda yaxşı oynadım”.
Qeyd edək ki, Çempionlar Liqasının Liqa mərhələsinin III turunda “Real Madrid” “Santyaqo Bernabeu”da “Yuventus”u 1:0 hesabı ilə məğlub edib.
Namiq HUN
