İranla müharibə Trampı “bitirir”… – ŞOK HESABAT!

ABŞ Prezidenti Donald Trampın reytinqi aprel ayında minimuma enib. 

“Washington Post/ABC News/Ipsos” sorğularına görə, amerikalıların yalnız 37%-i onun fəaliyyətini təsdiqləyir, 62% isə bəyənmir. Bu, Trampın hər iki prezidentlik dövründə ən minumum göstəricisidir.

Sorğu 24-28 aprel 2026-cı il tarixlərində keçirilib. Respublikaçılar arasında dəstək hələ də güclüdür (85% təsdiq), lakin güclü təsdiq faizi azalıb. Müstəqillər arasında isə təsdiq yalnız 25% səviyyəsindədir – bu, rekord aşağı göstəricidir. Ümumilikdə amerikalıların təxminən 2/3 hissəsi ölkənin səhv istiqamətdə getdiyini düşünür.

İqtisadi və xarici siyasət məsələlərində narazılıq daha kəskindir:

• İqtisadiyyat: 65% bəyənmir

• İnflyasiya: 72% bəyənmir

• Yaşayış xərcləri: 76% bəyənmir (yalnız 23% təsdiq)

• İranla bağlı vəziyyət: 66% bəyənmir

• Müttəfiqlərlə münasibətlər: 65% bəyənmir

Amerikalıların 61%-i ABŞ-nin İrana hərbi əməliyyatını səhv qərar hesab edir, yalnız 36% bunu “düzgün addım” adlandırır.

Nəzərə almaq lazımdır ki, İran müharibəsi üçüncü ayına daxil olub. Hörmüz boğazının bağlanması qlobal neft tədarükünü pozub və yanacaq qiymətlərini kəskin artıraraq bütün dünyada iqtisadi təzyiq yaradıb. “Ipsos”un 31 ölkədə apardığı sorğuya görə, bu vəziyyət qlobal istehlakçı inamını ciddi şəkildə zədələyib.

“Ipsos” Qlobal İstehlakçı İnamı İndeksi son 6 ildə ən böyük ikinci düşüşünü yaşayıb (yalnız 2020-ci il aprelindəki COVID-19 şoku ilə müqayisə oluna bilər). Avropa və Asiya-Sakit okean regionunda əhval-ruhiyyə xüsusilə aşağıdır.

Həmçinin, hərbi münaqişələrə dair narahatlıq 2022-ci ildən bəri ən yüksək səviyyəyə çatıb, inflyasiya qorxusu da yenidən artıb. 31 ölkədən 30-da əhalinin ən azı 70%-i öz ölkəsinin münaqişəyə qarışmamasını istəyir. ABŞ-də bu göstərici 71% təşkil edir.

30% respondent münaqişə səbəbindən yanacaq və qaz üçün daha çox ödəməyin “dəyərli” olduğunu düşünür, yəni, bu qiymət artımı qəbul oluna bilər. Bəzi NATO ölkələrində bu rəqəm 20%-dən aşağı düşür.

31 ölkədə ABŞ-nin dünya işlərinə müsbət təsir edəcəyinə inananların payı son bir ildə 20 faiz düşüb:

• 2024 oktyabrından 2025 aprelinə qədər — 13 faiz

• 2025 aprelindən 2026 aprelinə qədər — daha 7 faiz

Nəticədə ABŞ-nin qlobal təsiri imici Çininkindən geridə qalıb.

Noyabr 2026-da keçiriləcək aralıq seçkiləri ərəfəsində vəziyyət Respublikaçılar üçün çətin görünür. Qeydiyyatdan keçmiş seçicilər arasında Demokratlar 49%, Respublikaçılar 44% dəstəyə malikdir. Müstəqillər arasında isə Demokratlar 20 xal öndədir və onların motivasiyası daha yüksəkdir.

Qeyd edək ki, sorğular 2560 ABŞ vətəndaşı və 31 ölkədə on minlərlə respondent üzərində aparılıb.

Qiymət Mahir