Türkiyə millisi potensial rəqiblərini tanıdı
Türkiyə milli komandası DÇ-2026-nın seçmə mərhələsinin E qrupunda İspaniya ilə səfər oyununda (2:2) heç-heçə edərək ikinci pillədən pley-offa adını yazdırıb.
TodayPress TV xəbər verir ki, mundialın pley-offunda seçmə mərhələdən 12, Millətlər Liqasından isə 4 komanda iştirak edəcək.
16 komanda 4 səbətə ayrılacaq. 1-ci 4-cü səbətlə, 2-ci isə 3-cü səbətlə qarşılaşacaq.
1-ci səbətdə yer alan Türkiyənin mümkün rəqibləri 4-cü səbətdən mundiala vəsiqə uğrunda mübarizəni davam etdirəcək Rumıniya, İsveç, Şimali İrlandiya və Şimali Makedoniya yığma komandalarından biri olacaq.
1-ci səbət: Türkiyə, İtaliya, Ukrayna, Danimarka
2-ci səbət: Uels, Polşa, Çex, Slovakiya
3-cü səbət: Albaniya, İrlandiya, Kosovo, Bosniya və Herseqovina
4-cü səbət: Rumıniya, İsveç, Şimali İrlandiya, Şimali Makedoniya
Matçlar tək oyun üzərindən keçiriləcək. Finalı qazanan komanda dünya çempionatına vəsiqə əldə edəcək. 1-ci və 2-ci səbətdəki komandalar yarımfinal oyunlarını evdə keçirəcək. Finalın meydan sahibini isə püşkatma müəyyən edəcək.
Yarımfinal oyunları martın 26-da keçiriləcək. Final isə martın 31-də baş tutacaq.
Qeyd edək ki, DÇ-2026-nın pley-off mərhələsinin püşkatma mərasimi noyabrın 20-də İsveçrənin Sürix şəhərində keçiriləcək.
Namiq HUN
