"Labubu" oyuncağı haqqında film çəkiləcək
Britaniyalı rejissor Pol Kinq "Labubu" adlı məşhur oyuncaq haqqında film çəkəcək.
TodayPress TV xəbər verir ki, bu barədə "TASS" agentliyi məlumat yayıb.
Film "Pop Mart" və "Sony Pictures" arasında əməkdaşlıq çərçivəsində hazırlanacaq. Layihədə canlı çəkilişlərlə animasiya birləşdiriləcək. Ssenarini Stiven Levinson yazacaq.
Qeyd edək ki, Pol Kinq daha əvvəl “Paddinqton” filmləri və "Vonka" musiqili filmi ilə tanınıb.
Labubu oyuncaqları Kasing Lung tərəfindən yaradılıb və Norveç mifologiyasından ilhamlanıb. Bu uzun qulaqlı və dişli təbəssümlü oyuncaqlar 2019-cu ildən istehsal olunur və xüsusilə 2024-cü ildən etibarən dünya üzrə populyarlıq qazanıb.
Türkan İsgəndərli
