Qızılın qiyməti rekord səviyyədə aşağı düşdü
Oktyabrın 21-də beynəlxalq bazarlarda qızılın qiymətində eniş qeydə alınıb.
TodayPress TV “Kommersant” nəşrinə istinadən bildirir ki, qızılın spot qiyməti 6,3 faiz azalaraq bir unsiya üçün 4082 dollar təşkil edib. Bu göstərici 2020-ci ilin avqust ayından bəri ən aşağı səviyyə kimi qiymətləndirilir.
Eyni zamanda, gümüşün qiyməti də 8,7 faiz geriləyib və bir unsiya üçün 47,9 dollar olub.
Dekabr ayına aid qızıl fyuçerslərinin dəyəri isə 5,3 faiz azalıb, nəticədə bir unsiyanın qiyməti 4129 dollara enib.
Aynur TAC
