Zukerberq: “Tezliklə “iPhone” ilə vidalaşacağıq”
“Meta” şirkətinin baş direktoru Mark Zukerberq smartfonları əvəz edəcək yeni dövrdən danışaraq "iPhone ilə vida" mesajını açıqlayıb.
TodayPress TV xəbər verir ki, bu barədə “Haber Global” məlumat yayıb.
Zukerberq yaxın gələcəkdə ekran əsaslı cihazların yerini kontekstual və istifadəçiyə uyğunlaşdırılmış süni intellekt (AI) sistemlərinin tutacağını bildirib.
Onun fikrincə, "Meta"nın gələcək vizyonu, istifadəçini daim müşahidə və analiz edən ağıllı eynəklər və digər geyilə bilən AI cihazları üzərində qurulacaq. Bu texnologiyalar ənənəvi smartfonları əvəzləyərək əsas hesablama platformalarına çevriləcək.
Bu vizyonu reallaşdırmaq üçün "Meta" şirkəti süni intellekt infrastrukturunu genişləndirərək yüksək ixtisaslı AI tədqiqatçılarını işə cəlb edir, elmi laboratoriyalarını böyüdür və “Ray-Ban” kimi tanınmış markalarla əməkdaşlıq edərək geyilə bilən süni intellekt cihazları üzərində işləyir.
Aysel Mətləb
