"Porsche", "Lamborghini" və "Audi" avtomobilləri geri çağırılır
"Volkswagen" qrupuna aid "Porsche", "Lamborghini" və "Audi" markalı bəzi krossoverlər yanacaq sızması riski səbəbilə geri çağırılır.
TodayPress TV xəbər verir ki, problem yanacaq sistemindəki texniki nasazlıqla bağlıdır.
Ən çox geri çağırılan model "Porsche" markasına məxsusdur (107 avtomobil). Bunlara 2024-cü ildən bəri istehsal edilən "Panamera", "Panamera E-Hybrid" və "Cayenne" modelləri daxildir.
Rəsmi məlumata görə, bu maşınlarda yüksək təzyiqli yanacaq nasosunun dayaqları düzgün bərkidilməyib. Bu da yanacaq sızmasına və hətta yanğın təhlükəsinə səbəb ola bilər. Mütəxəssislər problemin ciddi nəticələr doğura biləcəyini bildirirlər.
Türkan İsgəndərli
