Dünyanın ən yaxşı telefonu hansıdır?

"DxOMark" laboratoriyası ən yaxşı ekran keyfiyyətinə malik smartfonların yenilənmiş reytinqini açıqlayıb. Siyahının zirvəsində "Google Pixel 10 Pro XL" qərarlaşıb.

TodayPress TV xəbər verir ki, bu barədə məlumatı "Hi-Tech Mail" yayıb.

"Pixel 10 Pro XL" 6,8 düymlük "LTPO OLED"ekranla təchiz olunub. Ekran 2992x1334 piksel icazəyə, 1-120 Hz adaptiv yenilənmə tezliyinə malikdir və "Gorilla Glass Victus 2" ilə qorunur. Cihaz 2200 nit pik parlaqlığı, "HDR2 dəstəyi və cəmi 4 nit minimal parlaqlığı ilə az işıqlı mühitlərdə də istifadəyə tam uyğundur.

Ekspertlərin fikrincə, ekran texnologiyasında əvvəlki model olan "Pixel 9 Pro XL" ilə bəzi oxşarlıqlar olsa da, "Pixel 10 Pro XL" yeni texnologiyalarla fərqlənir.

Mütəxəssislər xüsusilə rəng kalibrləməsini və ekranın işıqlanma şəraitinə avtomatik uyğunlaşmasını yüksək qiymətləndiriblər.

"DxOMark" Top-5 sıralaması belədir:

1. "Google Pixel 10 Pro XL" – 161 bal
2. "Samsung Galaxy S25 Ultra" və "Google Pixel 10" – 160 bal
3. "Google Pixel 9 Pro XL", "Google Pixel 9 Pro", Samsung "Galaxy S25 Edge" – 158 bal
4. "Honor Magic 6 Pro", "Samsung Galaxy S25" – 157 bal
5. "Google Pixel 9", "Samsung Galaxy Z Fold 7" – 156 bal

Türkan İsgəndərli

TodayPress TV