"Zenit" Jersonu gözdən çıxardı
“Zenit” yarımmüdafiəçi Jersonla ən azı 50 milyon avro qarşılığında yollarını ayırmağa hazırdır.
TodayPress TV xəbər verir ki, bu barədə “Sport-Ekspress” məlumat yayıb.
Bundan əvvəl insayder Fabritsio Romano 28 yaşlı futbolçunun transferi ilə bağlı “Əl-İttihad”ın danışıqlar apardığını bildirmişdi. Daha sonra o, paylaşımını silib, jurnalist Fares əl-Fazi isə marağın “Ən-Nəsr” tərəfindən göstərildiyini açıqlayıb.
Məlumata görə, hələlik Səudiyyə Ərəbistanının heç bir klubundan “Zenit”ə rəsmi təklif daxil olmayıb.
Qeyd edək ki, "Transfermarkt" Jersonun bazar dəyərini 25 milyon avro olaraq qiymətləndirir. 2025/26 mövsümündə braziliyalı futbolçu “Zenit”in heyətində keçirdiyi altı oyunda məhsuldar hərəkətlərlə fərqlənməyib.
Töhfə Səməd
