Yarımmüdafiəçi məşqçi kurslarına qatılmağı planlaşdırır
“Araz-Naxçıvan”dan ayrılan Qara Qarayev yeni klub axtarır.
TodayPress TV futbolinfo.az-a istinadən xəbər verir ki, təcrübəli yarımmüdafiəçi gələcəyi ilə bağlı qərar verməyə çalışır.
“Sumqayıt”ın favorit olduğu siyahıda digər bir neçə klub da var ki, Qarayevə müqavilə təklif edib. O isə hələlik düşünməkdədir.
Uzun illər oynaya bilməyəcəyinin fərqində olan 33 yaşlı futbolçu, məşqçi kurslarına da qatılmağı hədəfləyir. Qarayev oynamaqla yanaşı məşqçiliyin sirrlərini də öyrənəcək.
Qeyd edək ki, Qara Qarayev uzun illər “Qarabağ”ın şərəfini qoruduqdan sonra “Neftçi”yə keçib. Lakin burada istədiyi kimi oynamağı bacarmayan yarımmüdafiəçi, “Araz-Naxçıvan”da da ümidi doğrultmayıb.
Namiq HUN
