Xabi Alonso “Real”ın tarixinə düşdü
“Real Madrid” klubu cari mövsüm La Liqada keçirdiyi 11 oyunun 10-da qələbə qazanıb.
TodayPress TV xəbər verir ki, “kral klubu”nun baş məşqçisi Xabi Alonso bu nəticə ilə klub tarixinə adını yazdırıb.
İspaniyalı mütəxəssis “Real”ın tarixində ilk məşqçidir ki, La Liqada komanda ilə debüt mövsümündə 11 oyunun 10-da qələbə qazanıb.
Buna qədər oxşar nəticəni La Liqada yalnız üç “Barselona” məşqçisi göstərmişdi - Hansi Flik (2024/25), Xerardo Martino (2013/14) və Tito Vilanova (2012/13).
Xatırladaq ki, “Real” tarixində cəmi dörd dəfə mövsümə 11 oyunda 10 qələbə ilə başlayıb. “Qalaktikos” 1961/62, 1968/69, 1991/92 və 2022/23 mövsümlərində bu uğura imza atıb.
Namiq HUN
