Uilyams “Barselona” ilə müqavilə şərtlərində razılığa gəldi

“Atletik Bilbao” klubunun sol cinah oyunçusu Niko Uilyams “Barselona” ilə şəxsi müqavilə şərtlərində razılığa gəlib.

TodayPress TV xəbər verir ki, bu barədə İspaniyanın tanınmış insayderi Nikolo Skira məlumat yayıb. 

Kataloniya təmsilçisi 22 yaşlı futbolçunun transferi üçün onun müqaviləsində göstərilən təzminat məbləğini ödəmək qərarına gəlib. 

Niko Uilyamsın “Atletik”lə hazırkı müqaviləsi 2027-ci ilə qədər qüvvədədir. Bilbao təmsilçisinin heyətində indiyədək 167 oyunda meydana çıxan gənc futbolçu 31 qol vurub və 30 məhsuldar ötürmə edib. 

“Transfermarkt” portalında onun bazar dəyəri 70 milyon avro olaraq qiymətləndirilir.

Namiq HUN