Sobolenko əfsanələrin sırasına qoşuldu
Böyük Dəbilqə turnirlərinin dördqat qalibi, Belaruslu tennisçi Arina Sobolenko bir il ərzində WTA turnirlərində doqquz finala yüksələn və eyni zamanda dünyanın bir nömrəli tennisçisi statusunu qoruyan dördüncü oyunçu olub.
TodayPress TV xəbər verir ki, o, Martina Hingis (2000), Jüstin Enen (2007) və Serena Uilyams (2013) kimi əfsanələrin göstəricisini təkrarlayıb.
Sobolenko Ər-Riyadda keçirilən WTA Final turnirinin yarımfinalında amerikalı Amanda Anisimovanı 6:3, 3:6, 6:3 hesabı ilə məğlub edərək finala yüksəlib.
Qeyd edək ki, bu, Sobolenkonun karyerasında WTA Final turnirinin ikinci finalı olacaq. O, daha əvvəl 2022-ci ildə də turnirin finalına çıxıb.
Namiq HUN
