“Real” Ronaldonu hədəfə aldı
“Real Madrid” klubu əfsanəvi hücumçu Kriştiano Ronaldonun oğlu — Kriştiano Ronaldo Juniorla maraqlanır.
TodayPress TV xəbər verir ki, bu barədə İspaniyanın Defensa Central nəşri məlumat yayıb.
“Kral klubu” 14 yaşlı gənc futbolçunu Xorvatiyada keçirilən beynəlxalq turnir çərçivəsində Yaponiya ilə oyunda izləyib.
Ronaldo Juniorun inkişafına nəzarət etməyi şəxsən klub prezidenti Florentino Peres tapşırıb.
“Real” gələcəkdə onu heyətə cəlb etmə ehtimalını da istisna etmir.
Qeyd edək ki, Kriştiano Ronaldo Junior hazırda Səudiyyə Ərəbistanının “Əl-Nəsr” klubunun aşağı yaş qruplarında çıxış edir.
Onun oyununu “Real”la yanaşı, “Mançester Yunayted”, “Tottenhem” və bir neçə Almaniya klubu da izləyir.
Namiq HUN
