Qvardiola Premyer Liqada rekord qırdı
“Mançester Siti” klubunun baş məşqçisi Xosep Qvardiola İngiltərə çempionatında 250-ci qələbəsini qazanıb.
TodayPress TV xəbər verir ki, ispaniyalı mütəxəssis göstəriciyə Premyer Liqanın 7-ci turunda “Brentford” klubu ilə səfər matçında (1:0) nail olub.
Qvardiola bu nəticəni Premyer Liqa tarixində keçirdiyi 349 matçda əldə edib.
Qeyd edək ki, əvvəlki rekordun sahibi, “Mançester Yunayted” klubunun sabiq baş məşqçisi Ser Aleks Fergyuson idi. O, Premyer Liqada 250-ci qələbəsini 404-cü oyunda qazanmışdı.
Namiq HUN
