Qrupda yarış qızışır: millimiz vacib oyuna çıxır
Bu gün qadın futbolçulardan ibarət Azərbaycan yığma komandası dünya çempionatının seçmə mərhələsi çərçivəsində növbəti matçına çıxacaq.
TodayPress TV xəbər verir ki, millimiz səfərdə Andorra yığması ilə qarşılaşacaq.
Baş məşqçi Siyasət Əsgərovun rəhbərlik etdiyi komanda bundan əvvəl Macarıstana minimal hesabla (0:1) uduzub, daha sonra isə Şimali Makedoniyanı (2:0) məğlub edib.
Qeyd edək ki, Azərbaycan yığma komandası hazırda C Liqasının üçüncü qrupunda 3 xalla ikinci pillədə qərarlaşıb. Qrupa 4 xalla Macarıstan komandası başçılıq edir. Şimali Makedoniya 3 xalla üçüncü, Andorra yığması isə 1 xalla qrupun autsayderidir.
Namiq HUN
