Qolsuz seriya dörd ilin rekordunu yenilədi
“Real Madrid” klubunun vingeri Vinisius Junior ardıcıl yeddi matçdır nə qol vura bilir, nə də assist edir. Bu futbolçunun son dörd ildəki ən uzun “quraqlıq” seriyasıdır.
TodayPress TV xəbər verir ki, bu barədə Opta sosial şəbəkə X-də məlumat yayıb.
Braziliyalı futbolçu son dəfə klub səviyyəsində hələ oktyabrın əvvəlində - “Vilyarreal”la matçda fərqlənib. Həmin oyunda o, dubl edib. O vaxtdan bəri Vinisius milli komandanın oyunları da daxil olmaqla doqquz matçda nə qol vurub, nə də məhsuldar ötürmə verə bilib.
Qeyd edək ki, vingerin “Real Madrid”lə mövcud müqaviləsi 2027-ci ilin yayına qədər nəzərdə tutulub. Hazırda Vinisius “kral klubu” ilə yeni müqavilə barədə razılığa gələ bilmir.
Namiq HUN
