Oynamadan transfer: Vaskes “Beşiktaş”da şans axtaracaq
“Milan” klubunun sabiq qapıçısı Devis Vaskes karyerasını Türkiyədə davam etdirəcək.
TodayPress TV xəbər verir ki, İstanbulun “Beşiktaş” klubu kolumbiyalı qolkiperin İtaliyanın “Roma” klubundan icarəyə götürüldüyünü rəsmi saytında açıqlayıb.
Məlumata görə, müqavilə 2025/2026 mövsümünün sonuna qədər nəzərdə tutulub və transfer hüququnun alınması opsiyasını da əhatə edir.
Qeyd edək ki, Devis Vaskes yay transfer pəncərəsində azad agent kimi “Milan”dan “Roma”ya keçmişdi. 27 yaşlı qapıçı daha əvvəl icarə əsasında İtaliyanın “Empoli”, “Askoli” və İngiltərənin “Şeffild Uensdey” klublarında çıxış edib.
Cari mövsümdə qapıçı rəsmi matçlarda meydanda iştirak etməyib.
Namiq HUN
