Militao mövsümü erkən bitirə bilər
“Real Madrid” klubunun futbolçusu Eder Militao uzun müddət yaşıl meydanlardan kənarda qalacaq.
TodayPress TV insayder Fabritsio Romanoya istinadən xəbər verir ki, müdafiəçi sol ayağının bud nahiyəsindəki ikiqat əzələnin qopması və proksimal vətərin zədələnməsi səbəbindən 3-4 ay oynamayacaq.
Militaonun bərpa prosesinin bu qədər uzun çəkməsi vətər zədəsinin ayağın hərəkət funksiyasını ciddi şəkildə məhdudlaşdırması ilə bağlıdır.
Qeyd edək ki, Eder Militao La Liqanın XV turunda “Selta” ilə oyunda (0:2) zədələnib. 27 yaşlı futbolçu cari mövsüm “Real”da meydana çıxdığı 16 matçda 1 qol vurub və 1 məhsuldar ötürmə edib. Onun “kral klubu” ilə müqaviləsi 2028-ci ilin yayına qədərdir.
Namiq HUN
