Mərkəzi kort Federeri alqışladı: Əfsanə Ruuda şans vermədi
“Böyük Dəbilqə” turnirlərinin 20 qat qalibi, keçmiş dünya birincisi, 44 yaşlı isveçrəli tennisçi Rocer Federer Australian Open - 2026 öncəsi dünyanın 13-cü raketkası, norveçli Kasper Ruud ilə doqquz xallıq tay-breyk keçirib.
TodayPress TV xəbər verir ki, görüş Federerin 7:2 hesablı qələbəsi ilə başa çatıb.
Rocer Federer Australian Open - 2026 turnirinə azarkeş qismində qatılıb. Onun Ruudla mini-matçı turnirin Mərkəzi kortunda baş tutub və qarşılaşmanı yüzlərlə tamaşaçı izləyib.
Qeyd edək ki, Australian Open - 2026 yanvarın 18-dən fevralın 1-dək keçiriləcək. Kişilərin fərdi yarışında hazırkı çempion dünyanın ikinci raketkası olan italiyalı tennisçi Yannik Sinnerdir.
Namiq HUN
