MDB Oyunları: Azərbaycanlı üzgüçü gümüş medal qazandı
Azərbaycan komandası III MDB Oyunlarında aktivinə daha bir gümüş medal yazdırıb.
TodayPress TV xəbər verir ki, milli üzvü Süleyman İsmayılzadə Gəncə şəhərinin İdman Sarayında təşkil olunan üzgüçülük yarışında ikinci yeri tutub.
O, 800 metr məsafəyə sərbəst üsulla üzməkdə yalnız rusiyalı rəqibindən geri qalaraq multi-idman oyunlarının gümüş medalına sahib çıxıb.
Xatırladaq ki, bu Süleymanın əyarı gümüş olan ikinci, ümumilikdə isə III MDB Oyunlarında qazandığı üçüncü medalıdır. O, daha əvvvəl 200 metr məsafəyə sərbəst üsulla üzməkdə finişə ikinci çatıb. Daha sonra isə oğlanlardan ibarət milli komandamızın heyətində 4x200 metr məsafəyə sərbəst üsulla üzməkdə bürünc medala sahib çıxıb.
Namiq HUN
