“Mançester Yunayted” kapitanını sata bilər
“Bavariya” klubu “Mançester Yunayted”in hücumameyilli yarımmüdafiəçisi Bruno Fernandeşin transferi ilə maraqlanır.
TodayPress TV xəbər verir ki, bu barədə "TEAMtalk" nəşri məlumat yayıb.
Bildirilir ki, “qırmızı şeytanlar” portuqaliyalı futbolçunun qiymətini 40 milyon funt sterlinq (təxminən 46 milyon avro) səviyyəsində müəyyən edib.
Fernandeş Səudiyyə Ərəbistanı klublarının təkliflərinə böyük maraq göstərmir və Avropada qalmaq istəyir.
Qeyd edək ki, 31 yaşlı futbolçu cari mövsüm bütün turnirlərdə 2 qol vurub. Onun “Mançester Yunayted”lə hazırkı müqaviləsi 2027-ci ilin yayına qədər qüvvədədir. "Transfermarkt" portalı Bruno Fernandeşin bazar dəyərini 50 milyon avro qiymətləndirir.
Namiq HUN
