“Leykers” seriyanı qazanaraq növbəti mərhələyə yüksəldi
NBA Qərb Konfransında pley-offun ikinci mərhələsinin bütün iştirakçıları müəyyənləşib.
TodayPress TV xəbər verir ki, son vəsiqəni “Los-Anceles Leykers” klubu qazanıb. ABŞ Milli Basketbol Assosiasiyasının ikinci titullu komandası “Hyuston Rokets” (98:78) üzərində inamlı qələbə sayəsində seriyanı 4:2 öz xeyrinə başa vurub.
Beləliklə, Qərb Konfransında ikinci mərhələnin cütləri bəlli olub:
“Oklahoma Siti Tander” – “Los-Anceles Leykers”
“San-Antonio Spörs” – “Minnesota Timbervulvz”
Şərq Konfransında isə hələlik yalnız “Nyu-York Niks” ikinci mərhələyə vəsiqəni təmin edib.
Qeyd edək ki, “Oklahoma Siti Tander” hazırkı NBA çempionudur və ötən mövsümün finalında “İndiana Peysers” üzərində qələbə qazanıb.
Namiq HUN
