Lamin Yamalın ekstravaqant görünüşünün sirri açıqlandı

“Barselona” və İspaniya millisinin futbolçusu Lamin Yamalın şəxsi stilisti Ana Sotilyo gənc ulduz üçün geyim seçimində hansı meyarlara üstünlük verdiyini açıqlayıb.

TodayPress TV “Sport.es” nəşrinə istinadən xəbər verir ki, stilist futbolçunun obrazlarını əsasən oyun təqvimi və xarakterinə uyğun hazırladığını bildirib.

“Onun üçün La Liqa və UEFA Çempionlar Liqası oyunları üçün geyimlər seçirəm. Təqvimi nəzərə alaraq, xarakterinə uyğun, adət etdiyindən daha fərqli və ekstravaqant ideyalar təklif edirəm.

Lamin küçədən çıxmış bir çox gənci təmsil edir və biz bunu göstəririk. Mən bunu gizlətmək istəmirəm”, – deyə Ana Sotilyo bildirib.

Qeyd edək ki, Lamin Yamal başa çatan dünya çempionatında komandasının keçirdiyi bütün səkkiz matçda iştirak edib və bir qol vurub. O, həmçinin AVRO-2024-də İspaniya millisinin heyətində yeddi oyunda forma geyinib, bir qol və dörd məhsuldar ötürmə ilə yadda qalıb.

Namiq HUN