Karateçilər dünya çempionatında 5 medal qazandılar
Yaponiyada ənənəvi karate-do üzrə dünya çempionatı keçirilib.
TodayPress TV Karate Federasiyasının mətbuat xidmətinə istinadən xəbər verir ki, nüfuzlu Tokio mundialında Azərbaycanı 7 karateçi təmsil edib.
Salman Salmanov gənclərin kata yarışında qızıl medal qazanıb. Ayxan Şabanzadə isə 15 yaşadək karateçilər arasında üçüncü yeri tutub.
Böyüklər arasında kumitedə İmran Quluzadə (74 kq) yalnız finalda rəqibinə uduzaraq gümüş medalla kifayətlənib. Mehman Eynalov isə (+75 kq) mundialın bürünc medalını boynundan asıb. Komanda kumite yarışında da millimiz fəxri kürsünün üçüncü pilləsinə qalxıb.
Namiq HUN
