İslam Maxaçevin turnirdə iştirak etməməsi əl zədəsi ilə bağlıdır
Dana Uayt İslam Maxaçevin Ağ Ev turnirində iştirak etməməsinin səbəbini açıqlayıb.
TodayPress TV xəbər verir ki, Ultimate Fighting Championship (UFC) prezidenti bu barədə “MMA Figthing” nəşrinə danışıb.
“Onun əli ilə bağlı problemləri var. Bunu bilirəm. Nə qədər ciddi olduğunu və nə qədər müddətə çıxış etməsinə imkan verməyəcəyini bilmirəm, amma o, yaralanıb”, - deyə Uayt bildirib.
Qeyd edək ki, 34 yaşlı UFC yarı orta çəki çempionu Islam Maxaçev sonuncu döyüşünü 2025-ci ilin noyabr ayında avstraliyalı Cek Della Maddalenə qarşı keçirib. O, bu döyüşdə hakimlərin yekdil qərarı ilə qalib gələrək yarı orta çəki titulunu qazanıb.
Namiq HUN
