Florentino Peres “Real”dan ayrılmaq niyyətindədir
“Real Madrid” klubunun prezidenti Florentino Peres 2026-cı ildə postunu tərk etməyi planlaşdırır.
TodayPress TV xəbər verir ki, bu barədə insayder Pepe Alvares məlumat yayıb.
Bildirilir ki, futbol funksioneri klub üzvlərinin referenduma dəstək verib-verməməsindən asılı olmayaraq hakimiyyətin nizamlı şəkildə ötürülməsini istəyir.
Qeyd edək ki, “Real Madrid” klubunun prezidenti Florentino Peresin səlahiyyət müddəti 2028-ci ilə qədərdir.
Xatırladaq ki, 78 yaşlı Peres 2000-ci ildən fasilələrlə “kral klubu”nun prezidenti olub. Onun fəaliyyəti dövründə klub 37 kubok qazanıb, o cümlədən yeddi dəfə Çempionlar Liqasının baş mükafatına sahib çıxıb.
Namiq HUN
