Əfsanələr sırasına qoşuldu: Kevin Dürant NBA tarixini yenidən yazdı
Kevin Dürant ABŞ Milli Basketbol Assosiasiyası (NBA) tarixində yalnız əfsanələrə məxsus olan nailiyyətə imza atıb.
TodayPress TV NBA-nın mətbuat xidmətinə istinadən xəbər verir ki, “Houston Rockets” klubunun forvardı Kevin Dürant 37 yaşdan sonra ardıcıl üç oyunda 30 və daha çox xal toplayan beşinci basketbolçu olub.
Bu göstəriciyə Dürantdan əvvəl yalnız LeBron Ceyms, Stefen Karri, Maykl Cordan və Karl Meloun nail ola bilib.
Qeyd edək ki, cari mövsümdə 37 yaşlı Dürant indiyədək 42 oyunda iştirak edib. Onun orta statistik göstəriciləri 26,4 xal, 5,4 ribaund və 4,5 məhsuldar ötürmə təşkil edir.
Namiq HUN
