Cüdoçularımız kişilərin mübarizəsində birinci oldu
Çexiyada keçirilən cüdo üzrə Açıq Avropa Turniri başa çatıb.
TodayPress TV xəbər verir ki, Praqa turnirinin sonuncu yarış günündə cüdoçularımız 3 medal qazanıb.
Məhərrəm İmamverdiyev (81 kq) bütün rəqiblərinə qalib gələrək turnirin qızıl medalını boynundan asıb.
Qadın cüdoçuların turnirində isə Könül Əliyeva (48 kq) və Gültac Məmmədəliyeva (52 kq) bürünc medallara sahib çıxıblar.
Daha əvvəl İslam Rəhimov (66 kq) qızıl, Nazir Talıbov (66 kq) gümüş, Hüseyn Allahyarov və Murad Muradlı (hər ikisi 60 kq) isə millimizə Açıq Avropa Turnirinin bürünc medallarını qazandırıblar.
Hesabında 2 qızıl, 1 gümüş və 4 bürünc medal olan Azərbaycan komandası 35 ölkə arasında ikinci, kişi cüdoçularımız isə birinci yeri tutub.
