Braziliyalı qadın futbolçular rekorda imza atdı
Braziliyanın qadın futbolçulardan ibarət yığması Amerika Kubokunda rekorda imza atıb.
TodayPress TV xəbər verir ki, komanda 9-cu dəfə turnirin qalibi adını qazanıb.
Turnirin finalında Braziliya yığması Kolumbiya ilə üz-üzə gəlib. Görüşün əsas vaxtı 3:3 hesabı ilə başa çatıb. Əlavə vaxtda isə komandalar hərəyə 1 qol vurub.
Nəticədə penaltilər seriyasına qədər uzanan qarşılaşmada "sambaçılar" rəqibindən daha dəqiq olub - 5:4.
