Braziliya Qran-prisini Lando Norris qazandı
“Formula-1” üzrə Dünya çempionatının Braziliya Qran-prisi keçirilib.
TodayPress TV xəbər verir ki, “McLaren” komandasının britaniyalı pilotu Lando Norris "İnterlagos" avtodromunda bütün rəqiblərini üstələyərək finiş xəttini birinci keçib.
XXI mərhələdə ilk üçlüyü “Mercedes”də çıxış edən italiyalı Andrea Kimi Antonelli ilə “Red Bull” komandasının niderlandlı pilotu Maks Ferstappen tamamlayıblar.
Norrisin komanda yoldaşı Oskar Piastri San-Paulo yarışında beşinci nəticə göstərib. “Ferrari” pilotu Lyuis Hemilton isə finiş xəttinə çata bilməyib.
Namiq HUN
