“Brayton”un ulduzu dünya çempionatında oynamayacaq
Yaponiya yığma komandası DÇ-2026-ya itki ilə yollanacaq.
TodayPress TV Yaponiya Futbol Federasiyasının mətbuat xidmətinə istinadən xəbər verir ki, Kaoru Mitoma mundialda yığmaya kömək edə bilməyəcək.
“Brayton” klubunun yarımmüdafiəçisinin adı zədə səbəbindən 26 nəfərlik heyətə daxil edilməyib. 28 yaşlı vinger bud əzələsindəki zədədən əziyyət çəkir. O, bir müddət yaşıl meydanlardan uzaq qalacaq.
Qeyd edək ki, cari mövsüm Kaoru Mitoma “Brayton”un heyətində meydana çıxdığı 27 matçda 3 qol və 1 məhsuldar ötürmə ilə yadda qalıb.
Namiq HUN
