Bernardu Silva müqaviləni uzatmadı
“Mançester Siti” klubunun portuqaliyalı yarımmüdafiəçisi Bernardu Silva yayda “şəhərlilər”i tərk edə bilər.
TodayPress TV xəbər verir ki, bu barədə jurnalist Nikolo Skira sosial şəbəkə X-də məlumat yayıb.
Bildirilir ki, Bernardu Silva mövsümün sonunda azad agent kimi “Mançester Siti”dən ayrılmağa yaxındır. Hazırda futbolçunun klubla yeni müqavilə barədə danışıqları nəticə verməyib.
Artıq bir neçə Avropa klubu Silvanın növbəti il üçün transferi ilə bağlı ona təklif ünvanlayıb.
Qeyd edək ki, 31 yaşlı yarımmüdafiəçi cari mövsüm Premyer Liqada 11 oyun keçirib və 2 qol ötürməsi ilə yadda qalıb. O, həmçinin Çempionlar Liqasında 4 matçda iştirak edib və 1 qol vurub.
Namiq HUN
