Berdiyev “Turan Tovuz”dan tələb etdi
“Turan Tovuz” klubunun baş məşqçisi Kurban Berdiyev müdafiəçisi Höccət Haqverdini sərəncamında görmək istəyir.
TodayPress TV xəbər verir ki, o, rəhbərlikdən son 2,5 ili “Neftçi”də keçirən futbolçunun maliyyə şərtlərini razılaşdırmasını tələb edib.
Rusiyalı çalışdırıcı “Traktor”dan tanıdığı iranlı Höccət Haqverdinin tezliklə komandaya qoşulmasında maraqlıdır.
Milli üzvü 1 illik müqavilə qarşılığında 140 min dollar qazanmaq niyyətindədir.
“Turan Tovuz” klubunun rəhbərliyi hazırda klubsuz olan stopperin bu istəyinin əleyhinədir.
Qeyd edək ki, Haqverdi 3 aya yaxındır klubsuzdur. Futbolçu ötən müddət ərzində Premyer Liqanın “Araz-Naxçıvan”, “Sumqayıt” klubları ilə yanaşı, İran və Malayziyadan dəvətlər alsa da maddi istəklərə görə razılıq verməyib.
(Sportinfo.az)
Namiq HUN
