“Bavariya” Nikolas Cekson ilə anlaşdı

“Bavariya” klubu “Çelsi”nin hücumçusu Nikolas Ceksonu heyətinə qatıb. 

TodayPress TV xəbər verir ki, bu barədə “Kicker” nəşri məlumat yayıb. 

24 yaşlı seneqallı futbolçu icarə əsasında Münhen təmsilçisində forma geyinəcək. “Bavariya” transfer üçün 15 milyon avro ödəyəcək. Müqavilədə 65 milyon avro məbləğində satınalma opsionu da nəzərdə tutulub.

Qeyd edək ki, forvard 2023-cü ildə “Vilyarreal” klubundan “Çelsi”yə keçib. Nikolas Ceksonun London təmsilçisi ilə müqaviləsi 2033-cü ilin yayına qədər qüvvədədir. O, “Çelsi”nin heyətində ötən mövsüm UEFA Konfrans Liqasının və klublararası dünya çempionatının qalibi olub.

Namiq HUN