"Ayaks" Farioli ilə vidalaşdı
“Ayaks” klubu baş məşqçisi Frençesko Farioli ilə yollarını ayırıb.
TodayPress TV Amsterdam təmsilçisinin mətbuat xidmətinə istinadən xəbər verir ki, mütəxəssisin özü klubu tərk etməyə qərar verib.
36 yaşlı məşqçi bu barədə İdarə Heyətini məlumatlandırıb.
Qeyd edək ki, Frençesko Farioli “Ayaks”la 2027-ci ilin may ayına kimi müqavilə imzalamışdı.
Klub cari mövsüm Niderland çempionatını 78 xalla ikinci pillədə başa vurub.
“Ayaks” çempion PSV-dən 1 xal az toplayıb.
Namiq HUN
