“Arsenal”ın liderliyi təsdiqləndi – Arteta mükafat aldı
Mikel Arteta İngiltərə Premyer Liqasında mart ayının ən yaxşı baş məşqçisi seçilib.
TodayPress TV xəbər verir ki, bu barədə Premyer Liqanın mətbuat xidməti sosial şəbəkədə məlumat yayıb.
Mart ayında Artetanın rəhbərlik etdiyi “Arsenal” üç oyun keçirib və hər üçündə qələbə qazanıb. “Topçular” “Çelsi”ni 2:1, “Brayton”u 1:0 və “Everton”u 2:0 hesabı ilə məğlub edib.
Bu mükafata namizədlər sırasında Eddi Hau (“Nyukasl Yunayted”), Devid Moyes (“Everton”), Recis Le Bris (“Sanderlend”) və Fabian Hürzeler (“Brayton”) da yer alıb.
Hazırda “Arsenal” 31 oyundan 70 xal toplayaraq İngiltərə çempionatının turnir cədvəlinə başçılıq edir.
Namiq HUN
