Xalq artisti Elmira Rəhimova xəstəxanaya yerləşdirildi
Xalq artisti Elmira Rəhimova xəstəxanaya yerləşdirilib.
TodayPress TV xəbər verir ki, bu barədə "APA"-ya xalq artistinin oğlu məlumat verib.
O bildirib ki, Elmira Rəhimova hazırda Bakı Sağlamlıq Mərkəzində müalicə olunur.
"Anamın səhhətində bəzi problemlər yarandı və onu xəstəxanaya aparmaq qərarına gəldik. Təzyiq, şəkər və digər problemlər var", - deyə o bildirib.
Xəstəxanadan bildirilib ki, 84 yaşlı pasiyent Elmira Rəhimovaya Terapiya şöbəsində nevroloq, endokrinoloq konsultasiyası olunaraq, müvafiq müalicə üsulu təyin edilib:
"Mərkəzimizin peşəkar komandası tərəfindən stasionar şəraitdə müalicəsi aparılan pasiyentimizin vəziyyəti hazırda yaxşıdır və yaxın günlərdə evə buraxılacaq".
