Şirniyyat qutularında gizlədilmiş dərmanlar aşkarlandı
Hava Nəqliyyatında Baş Gömrük İdarəsinin əməkdaşları ölkəyə dərman preparatlarının qanunsuz gətirilməsinin qarşısını alıb.
TodayPress TV xəbər verir ki, Dövlət Gömrük Komitəsinin məlumatına görə, İstanbul–Gəncə reysi ilə gələn Azərbaycan vətəndaşının əşyaları Gəncə Beynəlxalq Aeroportunun gəliş zalında rentgen yoxlamasından keçirilərkən şübhəli görüntülər aşkarlanıb.
Yoxlama zamanı həmin şəxsin çantasında əvvəlcədən bəyan olunmayan və gömrük nəzarətinə təqdim edilməyən, şirniyyat qutuları arasında gizlədilmiş, hər biri 10 həb olmaqla ümumilikdə 645 konvolyut “Lioresal” markalı dərman preparatı tapılıb.
