Goranboyda qəza - Xəsarət alan var
Goranboy rayonunda yol-nəqliyyat hadisəsi baş verib.
TodayPress TV-nin məlumatına görə, qəza Goranboy–Aşağı Ağcakənd avtomobil yolunun Meşəli kəndi ərazisindən keçən hissəsində qeydə alınıb.
Belə ki, Kəlbəcər rayon sakini, 1979-cu il təvəllüdlü A.Qurbanov idarə etdiyi "VAZ-2106" markalı minik avtomobili ilə hərəkətdə olarkən, Xocalı rayon sakini, hazırda Aşağı Ağcakənd qəsəbəsində məskunlaşmış 1965-ci il təvəllüdlü E.Məmmədovun sürdüyü "Mercedes" markalı minik avtomobili ilə toqquşub.
Qəza nəticəsində A.Qurbanov xəsarət alaraq Goranboy Rayon Mərkəzi Xəstəxanasına yerləşdirilib.
Faktla bağlı araşdırma aparılır
