Bakıda sərnişin avtobus sürücüsünü döydü
Bakıda sərnişinlə avtobus sürücüsü arasında insident yaşanıb.
TodayPress TV ”Qafqazinfo"ya istinadən xəbər verir ki, hadisə Nizami rayonu ərazisində qeydə alınıb.
"Azland Plaza" şirkətinin rəhbəri Ramiz Tağıyev bildirib ki, 49 nömrəli müntəzəm marşrut xətti ilə hərəkət edən avtobusun sürücüsü Kamran Azər oğlu Qafarov sərnişin tərəfindən döyülüb.
İddiaya görə, insident sürücünün sərnişindən ödəniş etməsi tələbindən sonra baş verib.
Faktla bağlı polisə məlumat verilib.
