23 il öncə azyaşlını qətlə yetirən şəxslərin cinayət işi davam edir

2002-ci ildə azyaşlıya qarşı zorakılıq edərək onu qətlə yetirməkdə təqsirləndirilən İsmayıl Quliyev və Alidə Qadaşovanın cinayət işi üzrə növbəti məhkəmə prosesi keçirilib.

TodayPress TV xəbər verir ki, bu gün Bakı Ağır Cinayətlər Məhkəməsində hakim Fəxri Məmmədovun sədrliyi ilə keçirilən prosesdə təqsirləndirilən İsmayıl Quliyevin vəkili məhkəməyə vəsatət verib.

Vəkil cinayət işinin sübuta yetirilmədiyini bildirərək işin yenidən prokurorluğa qaytarılmasını və təqsirləndirilən hər iki şəxsin barəsində olan həbs qətimkan tədbirinin ev dustaqlığı ilə dəyişdirilməsini məhkəmədən xahiş edib.

Dövlət ittihamçısı vəsatətlərin təmin olunmamasını və işin baxışa verilməsini istəyib.

Məhkəmə vəsatətlərin təmin olunmaması və işin baxışa verilməsi barədə qərar qəbul edib.

Məhkəmə baxışı iyulun 22-nə təyin edilib.

İttihama görə, 22 il öncə təqsirləndirilən İsmayıl Quliyev Alidə Dadaşovanın qızına zorakılıq edib. O zaman Alidə Dadaşovanın həyat yoldaşı həbsdə olub. Daha sonra Alidə Dadaşova qızını boğub öldürüb.

Onlar 2024-cü oldə tutularaq istintaqa cəlb olunublar.

Qeyd edək ki, təqsirləndirlən şəxslər 120.2.1-ci (Qəsdən adam öldürmə – qabaqcadan əlbir olan bir qrup şəxs tərəfindən törədildikdə), 120.2.4-cü (Qəsdən adam öldürmə – xüsusi amansızlıqla və ya ümumi təhlükəli üsulla törədildikdə), 120.2.9-cu (Qəsdən adam öldürmə – təqsirkar üçün aşkar surətdə köməksiz vəziyyətdə olan şəxsi öldürməklə törədildikdə), 29,120.2.1-ci (Qəsdən adam öldürməyə cəhd – qabaqcadan əlbir olan bir qrup şəxs tərəfindən), 29,120.2.4-cü (Qəsdən adam öldürməyə cəhd – xüsusi amansızlıqla və ya ümumi təhlükəli üsulla), 29,120.2.9-cu (Qəsdən adam öldürməyə cəhd – köməksiz vəziyyətdə olan şəxsə qarşı) 150.3.3-cü (Cinsi zorakılıq – təqsirkar üçün aşkar köməksiz vəziyyətdə olan şəxsə qarşı törədildikdə). maddələri ittiham olunurlar.