Yaponiya Tramp-Putin danışığını vacib hesab edir

Yaponiya ABŞ və Rusiya prezidentləri Donald Tramp və Vladimir Putin arasında gözlənilən telefon danışığını vacib hesab edir.

TodayPress TV xəbər verir ki, bu barədə Yaponiya hökumətinin baş katibi Yosimasa Hayaşi bildirib.

Onun sözlərinə görə, Ukraynadakı vəziyyət baxımından ABŞ və Rusiya arasında dialoq, o cümlədən bu söhbət böyük əhəmiyyət daşıyır. 

Qeyd edək ki, Rusiya prezidentinin sözçüsü Dmitri Peskov Trampın Putinə zəng etməyi planlaşdırdığını təsdiqləyib. Tramp isə bildirib ki, Ukrayna münaqişəsinin həlli onun iştirakı olmadan mümkün deyil və bu mövzuda həm Putin, həm də digər liderlərlə danışıqlar aparmaq niyyətindədir.

Türkan İsgəndərli