Tusk: “İlk addımı Zelenski atsın”
Polşanın Baş naziri Donald Tusk bildirib ki, Varşava ilə münasibətlərin bərpası üçün ilk addımı Kiyev atmalıdır.
TodayPress TV xəbər verir ki, o, Ukrayna Prezidenti Volodimir Zelenskinin son qərarını uğursuz adlandıraraq deyib ki, Polşa Ukraynadan münasibətlərin normallaşdırılması istiqamətində konkret təşəbbüs gözləyir.
“Prezident Zelenskinin bu uğursuz qərarından sonra ilk addımı Ukraynanın atacağını gözləyirik. Kiyevdən çox aydın siqnal eşitmək yaxşı olardı. Onlar buna çalışırlar, lakin biz bu siqnalı daha dəqiq və açıq şəkildə eşitmək istəyirik”, – deyə Tusk vurğulayıb.
Kübra Musayeva
