Türkiyənin qızıl ehtiyatları açıqlandı
Türkiyənin vitse-prezidenti Cevdet Yılmaz Türkiyənin qızıl ehtiyatlarının 702 tona çatdığını açıqlayıb.
TodayPress TV xəbər verir ki, Cevdet Yılmaz Türkiyə Mərkəzi Bankının fövqəladə şəraitə uyğun aktiv siyasət apararaq ehtiyatlarını, xüsusilə qızıl ehtiyatlarını daha səmərəli idarə etdiyini bildirib.
Onun sözlərinə görə, Türkiyə dövriyyədəki valyuta likvidliyini artırıb. “Swap” əməliyyatları ilə qızıl satılmadan müvəqqəti olaraq valyuta gücü yüksəldilib.
“2016-cı ildə 377 ton olan qızıl ehtiyatının 14 milyard dollar dəyəri zamanla təxminən 702 tona və 100 milyard dollar səviyyəsinə çatıb. Qızıl qiymətlərinin artması da ümumi ehtiyatları gücləndirib və ölkənin ehtiyat mövqeyini möhkəmləndirib”, - o qeyd edib.
