Türkiyə S-400-ləri BƏƏ-yə satıb? – Akar
Biz “S-400-lər BƏƏ-yə gedir” demədik və demirik. Bu məsələnin bir an əvvəl həlli üçün, bir an öncə yoluna qoymaq üçün razılıq əldə olunduğunu, yaxın zamanlarda bəzi razılaşmaların əldə oluna biləcəyi barədə müzakirələrin aparıldığını bildiririk. Onların (BƏƏ – red) artıq bu məsələ ilə bağlı öz kanalları vasitəsilə məlumatları var. Bu məlumatlara əsasən bizə pozitiv cavablar verdilər.
TodayPress TV Axar.az-a istinadən xəbər verir ki, bunu Türkiyə Böyük Millət Məclisinin (TBMM) Milli Müdafiə Komitəsinin sədri Hulusi Akar deyib.
“S-400 məsələsi bir şəkildə həll olunacaq. Bu məsələ ilə bağlı bəzi irəliləyişlər gözləyirik, ümid edirik və arzulayırıq. Bunun baş verməsi ehtimalı da böyükdür. Nəticədə, S-400 məsələsini əhəmiyyətli və müsbət irəliləyişlərə səbəb olacaq bir məsələ kimi xarakterizə edirik. F-35 proqramının dayandırılmasının səbəbi də S-400 idi. Bu aradan qaldırıldıqdan sonra F-35 proqramı birbaşa başlayacaq. Əslində, F-35 ilə bağlı əlimiz çox güclüdür. Biz bunu bir şəkildə həll edəcəyik. Görünür, həll olunacaq”, – H.Akar əlavə edib.
Qeyd edək ki, daha əvvəl “Hürriyyət” qəzetinin köşə yazarı Abdulqadir Səlvi S-400-lərin Fars körfəzi ölkələrinə göndəriləcəyi ilə bağlı iddia səsləndirmişdi.
