Türkiyə ABŞ-ni "İranı Venesuelaya çevirməməyə" çağırdı
Türkiyənin xarici işlər naziri Hakan Fidan bildirib ki, Türkiyə ABŞ-ni Venesuelanın təcrübəsini İranda təkrarlamamağa çağırır.
TodayPress TV xəbər verir ki, bu barədə o, Amerikanın İrana mümkün müdaxiləsi ilə bağlı mövqeyini açıqlayarkən məlumat verib.
“Mən amerikalı dostlarıma bunu etməməyi məsləhət görərdim. Bundan başqa bir Venesuela düzəltməyin. Bu lazım deyil. Çünki, bilirsiniz, onlar artıq İrana çox təzyiq göstərirlər. Sanksiyalar İran iqtisadiyyatına həqiqətən də zərər vurur. Buna görə də insanlar etiraz edirlər. Amma İran danışıqlara hazırdır. Lakin biz bu danışıqları aparmaq üçün düzgün yolu tapmalıyıq", - deyə nazir qeyd edib.
Fidan hesab edir ki, Rusiya və Ukrayna münaqişəsində olduğu kimi, bu mövzuda da problemi həll etməyin bir yolu var.
Aysel Mətləb
