Trampın “America First” siyasəti fonunda Çin qlobal ticarətdə güclənir
ABŞ Prezidenti Donald Trampın “America First” siyasəti fonunda Çin ənənəvi ticarət tərəfdaşları ilə əlaqələri gücləndirərək rekord ticarət profisiti əldə edib və qlobal iqtisadi təsirini genişləndirib.
TodayPress TV xəbər verir ki, analitiklərin fikrincə, Trampın siyasəti ABŞ-nin ənənəvi müttəfiqləri ilə münasibətləri gərginləşdirdiyi bir vaxtda Pekin Kanada və Hindistan da daxil olmaqla əsas tərəfdaşlarla əlaqələri bərpa etməyə və dərinləşdirməyə fokuslanıb.
Nəticədə, dünyanın ikinci ən böyük iqtisadiyyatı olan Çinin 2025-ci ildə ticarət profisiti rekord səviyyəyə — 1,2 trilyon ABŞ dollarına çatıb. Aylıq valyuta axını 100 milyard dolları keçərək indiyədək ən yüksək göstəricini qeydə alıb, yuanın qlobal istifadəsi isə əhəmiyyətli dərəcədə genişlənib.
Qeyd olunur ki, Böyük Britaniyanın Baş naziri Kir Starmer çərşənbə günü axşam Çinə səfər edərək son dövrlər gərginləşən biznes əlaqələrini canlandırmağa çalışacaq. Ekspertlər bu səfərin Pekinin qlobal siyasi və iqtisadi təsirini daha da artıracağı qənaətindədirlər.
Qiymət Mahir
