Tramp: "Putin raketlə deyil, müharibəni dayandırmaqla məşğul olmalıdır"
Asiyada səfərdə olan ABŞ Prezidenti Donald Tramp Rusiya Prezidenti Vladimir Putinin nüvə enerjisi ilə işləyən qanadlı raketin istifadəyə verilməsi barədə bəyanatını “uyğunsuz” adlandırıb.
TodayPress TV xəbər verir ki, bu barədə o, səfəri zamanı jurnalistlərlə söhbətində bildirib.
“Putin Ukrayna müharibəsini dayandırmalıdır. Bir həftə davam etməli olan müharibə artıq dörd ildir ki, sürür. Putin raket sınaqları ilə deyil, bu müharibəni bitirməklə məşğul olmalıdır", - deyə o vurğulayıb.
Xatırladaq ki, Putin oktyabrın 26-sı Rusiyanın yeni nüvə enerjisi ilə işləyən qanadlı raketinin sınaqlarını başa vurduğunu açıqlayıb.
Aysel Mətləb
