Tokayev Si Cinpini qarşıladı
Qazaxıstan prezidenti Kasım-Jomart Tokayev Çin Xalq Respublikasının Sədri Si Cinpini Astana Beynəlxalq Hava Limanında rəsmi şəkildə qarşılayıb.
TodayPress TV xəbər verir ki, bu barədə "Sputnik Near Abroad" məlumat yayıb.
Məlumata görə, Qazaxıstan hərbi qırıcıları Çin liderinin təyyarəsini ölkənin hava məkanına daxil olduqdan sonra müşayiət ediblər.
Si Cinpinin Qazaxıstana səfəri, Tokayevin dəvəti ilə baş tutur. Səfər çərçivəsində Çin lideri iyunun 17-də Astanada keçiriləcək Mərkəzi Asiya–Çin sammitində iştirak edəcək. Sammitdə region ölkələrinin dövlət başçılarının da iştirakı gözlənilir.
Tokayev və Si Cinpinin sonuncu görüşü bu il Moskvada Qələbənin 80 illiyi münasibətilə keçirilən hərbi paradda baş tutub.
Türkan İsgəndərli
